Paalı dostlar! Teklif ederiz hepsini Millet imek festivalinä “DOLU SOFRA” - 𝟐𝟎𝟐𝟑, angısı geçecek ceviz ayın 24-dä Valkaneș kasabanın meydanında.
Datlı tradițional millet imekleri, șen türkülär hem gözäl halk oyunnar, sıcak hem güneşli güz renkleri, büük millet çorbacılık sergisi, master klaslar millet imeklerin hazırlanmasında, halk ustaların yaptıkların sergisi, en datlı gagauz kaurmanın hazırlanması için bir büük yarışma, şen konțert.
Bu meraklı hem taa başka işlär bekleerlär sizi Valkaneş kasabasında, festivaldä “Dolu Sofra”.
O bir kolaylık tanışmaa gagauz halkın geniş hem zengin material kultura mirasının bir gözäl sayfasınnan, da duymaa onun ayırı renkliliini hem özelliklerini.
Bekleeriz Sizi Valkaneş kasabanın meydanında, 𝐜𝐞𝐯𝐢𝐳 𝐚𝐲ı𝐧 𝟐𝟒-𝐧𝐝ä 𝐬𝐚𝐚𝐭 𝟏𝟒-𝐭ä, ki barabar kutlayalım Millet imek festivalini “DOLU SOFRA”- 𝟐𝟎𝟐𝟑.
