Главное Управление культуры Гагаузии
Главное Управление
культуры

Гагаузии

Vasilioglu Konstantin "Mamu"

11/06/2020

Türlü gözäl karılar
Gök altında çok.
Mamu gibi gözeli-
Dünnedä hiç yok.

Akıllı da çokçana
Dolaylarda var.
Mamu gibi fikirli-
Pek az bulunar.

Hepsi mamular işleer,
Hepsi çalışer,
Açan mamucuum işler-
Ortalık şaşer.

Düünnerdä, konşkada
Karılar çaler.
Mamunun sesi orda
Pek başkalaner.

Karılar bir sırada
Oynamaa çiker.
Mamu hepsindän üstün
Orada oyneer.

Var paalı, gözäl şeylär
Bu dünnedä çok.
Mamudan paalı erdä-
Bişeycik hiç yok!